بنجهز القاعده بنطحن البسكوت في المكسر وبنعجنه مع الزبدة المذابة والحليب وبنرصهن بقاع القالب

الحشوة:
بنخلط صفار البيض مع اللبنة وملعقة فانيل سائل

بنخل الطحين والنشا فوق خليط اللبنة وبنحرك

بنضيف البودينج ونصف علبة كريمة حلوة للخفق ونص كأس سكر وبنحرك

المرحلة الاهم:
خفف البياض بالخلاط الكهربائي على سرعة عالية مع كأس سكر وملعقة فانيل سائل. حتى الحصول على خليط ابيض مثل الرغوة ممنوع يكون جامد كثير .

ملاحظة: لما بنرفع خفاقة المكسر لازم يتشكل عنا شكل منقار من بياض البيض . بنيلش نمزج بياض البيض مع خليط اللبنة وبنقلب تقليب بلطف بملعقة الكعك

بندهن القالب بزيت وبنسكب الخليط في القالب . بندخله الفرن المحمى مسبقا بحرارة 200 لمدة ربع ساعه مع صينية ماء بقاع الفرن عشان نحافظ على جو رطب وقت الخبيز

بعد ربع ساعه بنزل الحرارة ل 150 وبنقيم القالب وبنمرر سكينة على الجوانب عشان نعطي مجال للكعكه تنفخ لفوق وما تتشقق . بنرجع الكعكة عالفرن حرارة 150 لمدة ساعه- لساعه وربع وفي هاظ الوقت ممنوع نفتح الفرن نهائي

بعد ساعه بنطفي الفرن وبنترك الكعكة بمدة ساعتين في الفرن وممنوع نفتح الفرن خلال هاي الساعتين
بعد ساعتين بنقيمها وبنحطها بالبراد لمدة 4-6 ساعات