بنجهز القاعده بنطحن البسكوت في المكسر وبنعجنه مع الزبدة المذابة والحليب وبنرصهن بقاع القالب
—————-
الحشوة:
بنخلط صفار البيض مع اللبنة وملعقة فانيل سائل
بنخل الطحين والنشا فوق خليط اللبنة وبنحرك
بنضيف البودينج ونصف علبة كريمة حلوة للخفق ونص كأس سكر وبنحرك

المرحلة الاهم:
خفق البياض بالخلاط الكهربائي لحد ما تصير رغوة بنضيف السكر بالتدريج حتى الحصول على نتيجة المنقار .
بندخل خليط البياض على خليط اللبنة بالتدريج وبنقلب تقليب بلطف .
ندهن القالب بكمية كافية من الزبدة ونرش الاطراف بالسكر الابيض .
بنصب الخليط بالقالب وبنهز القالب كم مره نطلع كل الهوا .

بندخله على الفرن
ملاحظات مهمة للفرن :
صينية ماء بقاع الفرن
وفوقها صينية الكعكة ووقتها بنشغل الفرن حم 150 فوق وتحت لمدة ساعتين .
كل 20 دقيقة مفضل نفتح باب الفرن نطلع البخار من الفرن .
بعد ساعتين بنطفي الفرن وبنخليها ساعه .
بنحطها بالبراد ليلة كاملة والف صحة وهنا