جبنة مخبوزة بدون فصل بيض
للجبنة المخبوزة عدة طرق مختلفة
والطعم بختلف من طريقة لطريقة , حبيت اشاركم في كمان طريقة مختلفة بس لذيذة
المكونات 9
كيلو لبنة ٩٪ او 5%
170 غرام سكر ابيض
ملعقة فانيل سائل مركز
برش ليمون
رشة ملح
4 بيضات حجم ميديوم
70 غرام نشا
40 غرام زبدة ذايبة
قالب انجلش كيك المنيوم
طريقة التحضير
بطشط بنخفق اللبنة والسكر ورشة ملح والفانيل السائل وبرش الليمون
بنضيف البيض وبنخفقه مليح معهن
بنضيف النشا وبنخفق واخر اشي الزبدة وبنخفقهن مع بعض
بنحتاج قالب انجلش كيك وبنحط بالقاع ورق خبيز بنقصها على قده
بنرشه بزيت مليح
بنصب الكعكة وعالفرن المحمى قبل حرارة 160 فوق وتحت لمدة ساعه
بتقدرو تفتحو الفرن عادي 🤣
بعد الخبيز بنخليها نص ساعه بالفرن وبعذها عالثلاجة من ٣-٤ ساعات
الافضل ليلة كاملة 😍
——————————————
شوية ملاحظات : mayada
المقادير بتعكل قالب انجلش كيك المنيوم مثل الي بالصورة
الكعكة بتنفخ بالفرن بس مش بمستوى واحد يعني عن الاجناب بتنفخ اعلى الاشي طبيعي تخافوش
بس تبرد بتنزل لمستوى واحد .
عن الجناب بتطلع معكم كيف طلعت معي عادي تخافوش هاظ هو جمالها 😁
بتقدرو تصو الجناب بس والله انهن حلوات خلوهن 🤣
بلزمش تمرري سكينة
بلزمش تفصلو بيض
بلزمش صينية مي بقاع الفرن
