طريقة تحضير الطبقة الاولى :
بنحط البيض والسكر بوعاء بنخلطهن بالخلاط اليدوي ضيفي الحليب الزيت الكاكاو الطحين واخلطي ضيفي الباكينج باودر واخلطي مليح دهني القالب زيت مليح صبي الخليط وفوتيها الفرن حتى تستوي تقريبا 10 دقائق حم فوق وتحت حم 170 .
بس نطلعها بنقطرها شوي بالحليب وبنخليها تبرد مليح .
بنحط جوى القالب نايلون شفاف ״שקופית״ الي يحافظ عشكل الكعكة وبنبلش نجهز طبقات الموس رح اشرح كيف بجهز اول طبفة وكل الطبقات بنفس الطريقة بس الطعم بختلف ...

طريقة تحضير طبقة الموس :
اول مرحلة بنحط 10 غرام جلاتين بصحن بنقدر نفوتو المكرو وبنحط عليهن ربع كوب حليب بارد وبنحركهن وبنتركهن عجنب لوقت الاستعمال ...
بالخلاط الكهربائي حطي علبة شمينت متوقاة واخفقيها لحد ما تجمد ...
بوعاء على النار حطي علبة شمينت متوقاة وضيفي 200 غرام شوكولاطة مرير ذوبيهن ارفعيهن عن النار حركيهن مليح سخني الجلاتين بالمكرو 15 ثانية فقط وضيفي فوق الشوكولاطة وحركي كتير مليح مع بعض ... بس يبرد خليط الشوكولاطة ضيفي الشمينت متوقاة المخفوقة وقلبي بالمعلقة تقليب حتى تحصلي على خليط سائل خالي من الحبيبات بتصبي فوق الكعكة وفوتيها لفريزر ساعه لحد ما تتماسك بتجهزي الطبقة الثانية الابيض بنفس الطريقة وبتفوتيها لفريزر تتماسك كمان ساعه بتجهزي الطبقة الثالثة وبترجعي تفوتيها لفريزر تتماسك تقريبا ٥ ساعات بتجهزي اخر طبقة

الجناش :
عالنار حطي نصف علبة شمينت متوقاة و200 غرام شوكولاطة مرير ذوبيهن برديهن شوي وصبيهن فوق الكعكة ...
ورجعيها الثلاجة او لفريزر شوي تتماسك قبل التقديم ...
والزينة شو بتحبوا طبعا ❤
انا اعملت بس طبقتين موس لانو القالب كان صغير بنفع تعملو 3 طبقات 👍