كعكة الميبل مع سر طعمها 😍
وصفة كعكة الميبل مع سر صغير رح يخلي طعمها من الاخر
المكونات 8
3 بيض
كاس سكر ابيض
3/4 كاس زيت ذرة
300 غرام طحين
كيس بيكنج باودر
كاس حليب
فانيل سائل مركز
قنينة ميبل
طريقة التحضير
الطريقة :
بنخفق البيض والسكر لحد ما يتجانسو ويتكاثفو
بنضيف فانيل سائل مركز (عشان نتخلص من زنخة البيض )
بنضيف الزيت والحليب وبنخفق
اخر اشي بنضيف الطحين والبيكنج باودر
في حال شفتو الخليط جامد ضيفو شوي حليب
صينية انجلش كيك المنيوم ( نوعية مليحة وما بتلزق )
بنزشها زيت مليح وبنحط بالقاع ورق خبيز على القاعدة
بنصب الخليط 🙋♀️
وهون الاكشن
بنخلط السكر البني والقرفة والجوز وبنرشهن على وجه الخليط من فوق 👆
بالفرن المحمى من قبل حرارة 180 فوق وتحت بنحط الكعكة لحد الاستواء .
بس نطلعها بنشربها بملاااااااااان ميبل 🙏
