كعكة النسكافيه
لعشاق النسكافيه صار معكم وصفة لكعكة النسكافيه
المكونات 11
٣ بيض
كاس سكر
ملعقة فانيل سائل
كاس زيت ذرة
كاس حليب
ملعقة كبيرة نسكافيه
ملعقة صغيرة قرفة
كاستين ونص طحين
٢ بيكنج باودر
التشريبة : كاستين مي + كاستين سكر + ملعقة نسكافيه كبيرة ( بنغليهن عالغاز وبنخليهن يبردو )
الكريما : كريمة حلوة للخفق + نص كاس حليب + باكيت بودينج فانيل وملعقة نسكافيه ( سكر حسب الرغبة )
طريقة التحضير
الطبقة الاولى :
بنخفق البيض والسكر والفانيل لحد ما يتكاثف البيض
بنضيف الزيت والحليب
وبعذها بنضيف باقي المواد الجافة
وبنخلطهن مع بعض
بنخبزها بالفرن حم ١٨٠ فوق وتحت حتى الاستواء .بس نطلعها من الفرن بنشربها بالقطر البارد
بس تبرد الكعكة بنجهز طبقة الكريمة
بنخفق الكريمة الحلوة للخفق والسكر وبنضيف البودينج والحليب والنسكافيه
وبنزينها من فوق بالكريمة
